Sòti 3 pou rive 8 desanm 2024 k ap vini la, vil Potoprens ak Gonayiv ap resevwa sizyèm edisyon Festival entènasyonal literati kreyòl( FEL) ki ap gen pou tèm ane sa « Pou yon kreyolofoni syantifik ak yon kreyolofoni literè fètefouni »
Aktivite sa ki kreye nan lane 2019 gras ak powèt Anivince Jean Baptiste ansanm ak patnè li yo : Fondasyon Maurice Sixto, òganizasyon Matinik pou devlopman atizay ak kilti (OMDAC), genyen kòm objektif, valorize ak fè pwomosyon pou Lang Kreyòl la nan tout domèn yo sitou nan domèn syantifik ak literati.
Pou FEL 2024 la k ap dewoule tou sou entènèt la, 3 ekriven ap alonè, pami yo 2 ekriven ayisyen : Doktè Serge Madhère , Lyonel Desmarattes ak Michèl Ducasse.
Anplis ekriven ki alonè yo festival la ap gen pou rann Omaj ak Jean Bernabé , Ernst Mirville , Danielle de St – Jorre , Pierre Michel Chéry, Georges Castera ak Félix Morisseau Leroy, 6 pèsonalite pou kontribisyon enpòtan yo pote nan dinamik devlòpman literati ak lang kreyòl la.
Atik : Soph-Edson V. Jean Baptiste © Chokarella
